The Verge нашри Facebook ижтимоий тармоғининг контент-модераторлари борасида янги суриштирувни бошлади. Журналистлар аввалги сафар иш компания ходимларининг руҳий соғлиги ва ҳаёти учун хавфли эканлигини аниқлаган бўлса, бу сафар айрим модераторлар иш жойида вафот этганини маълум қилди, дея хабар беради Spot.
Модератор Кит Атли 2018 йилда юрак хуружидан вафот этган. Корпорацияга ишга киргунига қадар у соҳилбўйича қўриқлаш хизматининг командири бўлган. Атли ҳамкасбларининг айтишича, 2018 йилнинг 9 мартида Атли иш стулидан йиқилиб тушган. Шундан сўнг атрофдагилар офисда дефибриллаятор йўқлиги сабаб унинг юрагини массаж қила бошлаган. Атли шифохонага етказиб борилиши билан оламдан ўтган.
Терговда маълум бўлишича, 42 ёшли модератор иш жараёнида кучли стрессдан азият чеккан. Кит Атли қотиллик ва зўравонлик саҳналари мавжуд визуал контент (фото, видео, иллюстрация) модерацияси билан шуғулланган.
Ходимлардан бирининг айтишича, модераторлар қотиллик, зўравонлик акс этган видеоларни 15 сониядан 30 сониягача кўришга мажбур. У офисдаги муҳитни қўрқинчли фильмларга таққослаган, чунки ходимлар айрим вақтларда тўрт дақиқагача болакайнинг органлари кесиб олинаётган видеоларни ҳам кўришга мажбур бўлади.
Изоҳ (0)