Грузия президенти Саломе Зурабишвили Москвани мамлакатдаги ҳолатни беқарорлаштиришда айблади. Бу ҳақда у ўзининг Facebook’даги саҳифасида маълум қилган.
«Мамлакат ва жамиятнинг ажралиши, шунингдек, ички низолар Россиядан бошқа ҳеч кимга фойда келтирмайди ва бу унинг энг ишончли қуроли», — деб ёзади мамлакат раҳбари. Унинг сўзларига кўра, Россиянинг бешинчи колоннаси ҳозирги вазиятда очиқ тажовуздан кўра хавфлироқ.
Зурабишвилининг таъкидлашича, Грузия ичида содир бўлаётган беқарорликни ёқлаётганлар Россия сиёсатини қўллаб-қувватлайди ва Кремль режаларини амалга оширишга кўмаклашаётган бўлади. «Россия — бизнинг душманимиз ва босқинчи», — дейди президент.
Изоҳ (0)