АҚШ Ҳарбий-денгиз кучларига тегишли P-8 Poseidon кемаларга қарши патруль самолётининг ички қисми тасвирланган видеоролик эълон қилинди, деб хабар беради Defense News.
Видеодан кўриш мумкинки, Америка нашрининг мухбири Paris Air Show 2019’да кўргазмага қўйилган машина ичи бўйлаб сайр қилган.
2018 йилнинг июнида Америка ва Британия ҳарбийлари Россиянинг масофадан туриб бошқариладиган сув ости атом кемасига қарши гидроакустик тўлқинларни ҳосил қилувчи P-8 Poseidon’дан фойдаланган ҳолда самолёт яратилиши мумкинлигини маълум қилганди.
P-8 Poseidon 2012 йилдан буён Boeing томонидан ишлаб чиқарилади. Бу турдаги самолётлардан ҳозиргача юзга яқини мавжуд. Машина душман сув ости кемасини аниқлаб, уни йўқ қилишга, шунингдек, денгиз узра разведка ишларини амалга оширишга мўлжалланган.
Изоҳ (0)