Самарқанд шаҳри ҳудудидаги йўлларда ҳаракат хавфсизлигини таъминлаш, йўл транспорт ҳодисаларини олдини олиш юзасидан профилактик тадбирлар амалга оширилди. Бу ҳақда Самарқанд вилояти Ички ишлар бошқармаси матбуот хизмати хабар берди.
Ички ишлар бошқармасининг 2019 йил 11 июнь кунидаги фармойишига кўра вилоят ички ишлар органларининг тегишли хизмат ходимлари ва жамоатчилик вакилларидан иборат гуруҳлар тузилган. Ушбу гуруҳлар томонидан тадбир бошидан ҳайдовчи ва пиёдалар иштирокида йўлларда ҳаракат хавфсизлигини таъминлаш, йўл белгиларига риоя этиш, ҳайдовчилик маданиятига риоя этилиши борасида 47 марта йиғилиш учрашувлари ўтказилиб, буклетлар тарқатилган ва тегишли чора-тадбирлар амалга оширилган.
Шунингдек, 11—17 июнь кунлари ушбу гуруҳлар томонидан Самарқанд шаҳрида ўтказилган тезкор-профилактик тадбирлар давомида жами 1957 та қоидабузарликлар аниқланиб тегишли тартибда расмийлаштирилган.
Изоҳ (0)