«Тошшаҳартрансхизмат» пойтахт бекатларига янги электрон таблоларни ўрнатишни бошлади, деб хабар беради «Podrobno.uz».
«Автобусларнинг ҳаракатланиш жадвалини кўрсатиб турувчи мазкур табло ҳар қандай об-ҳаво шароитида ишлайди. Ундаги маълумотларнинг аниқлиги йўловчилар оғирини енгиллаштиришга хизмат қилади», — дейилади хабарда.
Бундан ташқари TashBus мобил дастурининг мутлақ янгиланган версияси ҳам ишга туриширилмоқда. Эндиликда дастур Android ва iOS операцион тизимларида ҳам ишлайди.
Эслатиб ўтамиз, бу каби таблоларни ўрнатиш 2016 йилнинг охирларида бошланган эди. Уларда автобуснинг етиб келиш вақти, бекатдан ўтиб кетадиган автобуслар рўйхати, валюталар курси, об-ҳаво маълумотлари бериб борилади.
Тошкент шаҳрида 2,5 мингдан ортиқ бекат мавжуд бўлиб, ҳозирда электрон таблолар уларнинг 100 тасига ўрнатилган.
Изоҳ (0)