АҚШнинг Иллинойс штати Чикаго шаҳрида икки опа-сингиллар ўлим тўшагида ётган беморни акаси деб ўйлаб, ҳаётни сақлаб турувчи қурилмадан узишга рухсат берди, деб ёзмоқда CBS Chicago портали.
Маълум бўлишича, май ойи ўрталарида Рузи Брукс (Rosie Brooks)га касалхонадан қўнғироқ қилиб, унинг акаси Alfonso Bennett (Alfonso Bennett)нинг интенсив муолажалар бўлимида ётгани айтилган. Аёл синглиси Бренда Беннет-Жонсон (Brenda Bennett-Johnson) билан зудлик билан касалхонага етиб боради.
Брукснинг сўзларига кўра, бемор сунъий нафас олдириш қурилмасига уланган бўлган. Беморнинг юзи муштлашувда ёмон бўлиб кетгани учун опа-сингилллар унда акасини танимаган. Аммо ҳамширалар бир неча ҳафта аввал топилган эркак полицияда Alfonso Bennett эканлиги айтилган. У, беморниннг шахси фақат расмига қараб аниқлангани, «молиявий етишмовчилик сабабли» бармоқ излари олинмаганини қўшимча қилган.
Беннет ўтмиши жиноятларга бой бўлиб, ўзининг тўрт нафар сингиллари билан кўп ҳам гаплашмаган. Брукс ва Беннет-Жонсон беморни акаси деб қабул қилиб, ҳаётни таъминловчи қурилмадан ўчиришга рухсат берган. Бир неча дақиқадан кейин эркак вафот этган.
Сўнг бошқа бир синглиси қўнғироқ қилиб, уларнинг акаси тирик экани ва «ҳозиргина унинг уйига келганини» айтган.
«Бўлиб ўтган воқеадан афсусдаман. Агар у бизни акамиз бўлганида ҳаммаси бошқача бўларди. Аммо биз оиламиз аъзоси бўлмаган одам учун қарор чиқардик», — деган Беннет-Жонсон.
Вафот этган бемордан ахийри бармоқ излари олиниб, унинг шахси ўликхонада аниқланган. Энди полиция унинг оила аъзоларини қидирмоқда.
Изоҳ (0)