Италиялик актриса Орнелла Мути 2010 йилда сохта тиббий маълумотнома тақдим этгани учун олти ойга озодликдан маҳрум этиш жазосига ҳукм қилинди. Бу ҳақда Rambler хабар берди.
Италия Кассацион суди аппеляцион суднинг 2017 йилги ҳукмини ўзгаришсиз қолдирган.
Қайд этилишича, 2010 йилда Мути унинг иштирокида спектакл ўтказилиши керак бўлган теартга сохта тиббий маълумотнома тақдим этган. Ўша куни актриса президент Владимир Путин ташриф буюрган Санкт-Петербургда ўтказилган хайрия кечки овқатига борган.
Театр раҳбарияти Мути сохта маълумотнома тақдим этгани ва унга тўланган гонорарни қоплашни талаб қилиб судга мурожаат қилган. Суд қарорига кўра, актриса 30 минг евро миқдорида жарима тўласа, озодликдан маҳрум этиш жазосидан қутулиб қолиши мумкин.
Актриса содир бўлган воқеа юзасидан узр сўраган. У ларингофарингит сабабли театрда чиқа олмаганини, Санкт-Петербургдаги кечги овқатда эса гапириш ҳам зарур бўлмаганини айтган.
Изоҳ (0)