Франциянинг Биарриц шаҳри мэри ўринбосари Жоселин Кастанед Россия президенти Владимир Путининг оиласи муниципалитетда икки уйга эгалик қилишини тасдиқлади. Бу ҳақда «Знак» хабар бермоқда.
Уйлардан бири Путиннинг куёви эканлиги айтилаётган Кирилл Шамаловга тегишли. У уйни 2012 йилда турмуш ўртоғи, «Иннопрактика» ташкилоти бош директори Катерина Тихонова учун харид қилган.
«Одамлар уларни бозорда айланиб юрганини кўради. Аммо биз уларга яқинлашмаймиз ва селфи қилмаймиз. Улар ким эканлиги бизни қизиқтирмайди», — деди Кастанед.
Жоселиннинг айтишича, уй қонуний асосда харид қилинган. Биаррицга Путиннинг собиқ рафиқаси Людмила Путина ҳам мунтазам келиб туради.
4 қаватли уй денгиз қирғоғида жойлашган. Унинг майдони 300 квадрат метр, умумий ер майдони эса тахминан 2000 квадрат метрдан иборат. Бино 1950 йилларда қурилган. Уни 7 йил аввал таъмирлаган меъмор Пер Форрога кўра, уйнинг нархи 3,5 миллион евродан ошиқ.
Изоҳ (0)