Туркманистон президенти Гурбангули Бердимуҳамедов тўсатдан ҳарбий машғулот ўтказиб, ўзининг мерганлик маҳоратини ҳам намоён этди. Бу ҳақда «Туркменистан: золотой век» нашри хабар берди.
Хабарда айтилишича, давлат раҳбари миллий армияни тўсатдан текширишга қарор қилган ва ярим кечаси алоҳида ҳарбий бўлинмани жанговар тайёргарликка келтиришни буюрган. Ҳарбий қисмдан ташқари тревога асосида ўқув машғулотига ҳарбий самолётлар ва вертолётлар ҳам жалб этилган.
Жанговар шайликни кузатган Бердимуҳамедовнинг ўзи ҳам малакасини намойиш қилишга қарор қилган. У велосипедга ўтириб, нишонга қарата ўқ узган.
«Нишонга аниқ урган Турманистон президенти ўзининг жисмоний тайёргарлиги ва малакасини яна бир бор намоён қилиб, ҳарбий хизматчилар, айниқса ёшларга намуна бўлди», — дейилади хабарда.
Изоҳ (0)