Исроил бош вазирининг турмуш ўртоғи Сара Нетаньяху давлат бюджетидаги маблағлардан фойдаланиб ресторанларда овқат буюртма қилганини тан олди, деб хабар беради «Газета.ru».
Бундан бир йил олдин фирибгарликда айбланган Сара Нетаньяху 50 минг долларга овқат буюртма қилиб, уни давлат бюджетидаги пуллар эгазига тўлаганини тан олди.
«Биринчи бор Исроилда мамлакат етакчисининг рафиқаси овқат учун суд олдида турмоқда», — дейилади хабарда.
Таъкидлаш керакки, Исроил бош вазирининг хотини 8 йилга озодликдан маҳрум этилиши мумкин.
Бунга қадар Нетаньяху айбини инкор этиб келган. Аёлнинг сўзларига кўра, у «жодугарларга қарши сиёсий ов»нинг қурбонига айланган.
Изоҳ (0)