«Ziyouz.com» асосчиси Давронбек Тожиалиев ўзнинг Facebook’даги саҳифасида Тошкентдан Олмаота шаҳрига қатнайдиган поезд чипталари нархи нима сабабдан уч баробар қимматлигига изоҳ сўради.
Қоилман! Негяяяя? Алмати шаҳрига бориш учун Тошкентдан поезд билетларини қидирдим. Бугунга бор экан. Тезюрар Talgo поезди. Ўзбекистон темир йўллари сайтига кириб, нархини билдим: энг арзон билет 328 824 сўм. Купе — 756 931 сўм, люкс — 1 091 103 сўм. Сайтда ёзилишича, чипта нархи билан бирга воситачилик йиғими ҳам олинаркан. МДҲ давлатларига қатнайдиган поездлар учун 70 000 сўм. Жами 400 000 га яқин бўларкан. Қимматлик қилди.Бор-ей деб Черняевкадан Чимкентга йўлга чиқдим. Таксида 1500 тенге (33000 сўм) билан Чимкент темирйўл вокзалига етиб олдим. Шу ердан айни Тошкент—Алмати поездидан Чимкентдан Алматигача билет олдим: 3800 тенге (83600 сўм). Тошкентда 400000 сўм бўлган билет Чимкент орқали менга 116600 га тушди. Ўша рейс, ўша поезд, ўша вагонлар, ўша йўл. Тошкент—Чимкент ораси 130 км холос. Билет нархи эса камида 3 баравар арзон.
Негяяяя?
Давронбек Тожиалиев, «Ziyouz.com» асосчиси
Изоҳ (0)