КАМКА — 2019: Минтақавий ҳамкорликни ривожлантириш имкониятлари муҳокама қилинди

13 июнь куни Тошкентда «Марказий Осиё, Монголия, Кавказ ва Афғонистон» минтақавий форум бошланди, деб хабар берди ЎзА.

АҚШнинг Жон Хопкинс университети қошидаги Марказий Осиё ва Кавказ институти ҳамда Рамсфелд фонди ҳамкорлигида ташкил этилган тадбирда Ўзбекистон Олий Мажлис Сенати аъзолари, тегишли вазирлик ва идораларнинг масъул вакиллари, дунёнинг 20 мамлакатидан келган 300 дан ортиқ меҳмонлар, халқаро ташкилот ва институт вакиллари иштирок этмоқда.

Тадбирнинг очилиш маросимида Олий Мажлис Сенати раисининг биринчи ўринбосари Содиқ Сафоев, Жон Хопкинс университети қошидаги Марказий Осиё ва Кавказ институти раиси Ф.Starр, КАМКАънинг Ўзбекистондаги миллий мувофиқлаштирувчиси М. Мухитдиновлар сўзга чиқди.

Минтақавий форум 2004 йилда Марказий Осиё ва Кавказ мамлакатларинигн ижтимоий-иқтисодий ривожланишига оид масалалари бўйича фикр алмашиш платформаси сифатида ташкил этилган. Форум ҳеч қандай сиёсий мақсадларни кўзламайди.

Форумнинг биринчи кунида минтақавий савдо, транспорт-транзит тизим, сармоя жалб этиш, иқтисодий ва бизнес-алоқа муносабатларини мустаҳкамлаш, таълим, туризм, ОАВ ва бошқа кўплаб соҳалар фаолиятини ривожлантириш масалалари бўйича мунозаралар ўтказилди.