Бир неча йилдан буён фарзанди учун алимент пули тўлашдан қасддан бўйин товлаб келган Бухоро туманилик фуқаро Қ.Ҳ. 9 200 000 сўмни тўлагач, ўзига нисбатан қўлланилган қамоқ жазосидан озод қилинди. Бу ҳақда Жиноят ишлари бўйича Бухоро туман суди раиси Нозим Жўраев маълум қилди.
Судга кўра, Қ.Ҳ. 2017 йил 27 майдан 2018 йил 27 июлга қадар алимент пулларини тўлашдан бўйин товлаб келган. Шахсий кафиллик эҳтиёт чораси талабларини бузганлиги ва етказилган зарарни қопламаганлиги ва қасддан бўйин товлаб келгани сабабли, унга нисбатан қамоққа олиш тарзидаги эҳтиёт чораси қўлланилган. 2019 йил 23 майдан бошлаб, қамоқда сақланган.
Мажбурий ижро бюроси Бухоро туман бўлими давлат ижрочисининг алимент қарзини ҳисоблаш тўғрисидаги қарорига асосан, Қ.Ҳ.нинг алимент тўловидан қарзи 9 170 108 сўмни ташкил қилиши аниқланган. Жиноят иши қўзғатилиб, иш судга юборилган.
Суд мажлисининг тайёрлов қисмида Қ.Ҳ.нинг яқин қариндошлари томонидан жабрланувчи М.I.га етказилган 9 200 000 сўм зарар тўлиқ қопланган. Жиноят кодекси 122-моддасининг 3-қисмига мувофиқ (шахс алимент мажбуриятлари бўйича қарздорликни тўлиқ тўлаган бўлса, у жавобгарликдан озод қилиниши белгиланган), қамоқдан озод қилинган.
Бундан илгари ҳам Қ.Ҳ. жиноят ишлари бўйича Бухоро туман судининг 2018 йил 27 сентябрдаги қарори ва Ўзбекистон Республикаси МЖтКнинг 474-моддасига асосан, айнан шу масалада 15 сутка маъмурий қамоқ жазосини ўтаб чиққан.
Изоҳ (0)