“Ziyouz.com” asoschisi Davronbek Tojialiyev o‘zning Facebook’dagi sahifasida Toshkentdan Olmaota shahriga qatnaydigan poyezd chiptalari narxi nima sababdan uch barobar qimmatligiga izoh so‘radi.
Qoilman! Negyayayaya? Almati shahriga borish uchun Toshkentdan poyezd biletlarini qidirdim. Bugunga bor ekan. Tezyurar Talgo poyezdi. O‘zbekiston temir yo‘llari saytiga kirib, narxini bildim: eng arzon bilet 328 824 so‘m. Kupe — 756 931 so‘m, lyuks — 1 091 103 so‘m. Saytda yozilishicha, chipta narxi bilan birga vositachilik yig‘imi ham olinarkan. MDH davlatlariga qatnaydigan poyezdlar uchun 70 000 so‘m. Jami 400 000 ga yaqin bo‘larkan. Qimmatlik qildi.Bor-yey deb Chernyayevkadan Chimkentga yo‘lga chiqdim. Taksida 1500 tenge (33000 so‘m) bilan Chimkent temiryo‘l vokzaliga yetib oldim. Shu yerdan ayni Toshkent—Almati poyezdidan Chimkentdan Almatigacha bilet oldim: 3800 tenge (83600 so‘m). Toshkentda 400000 so‘m bo‘lgan bilet Chimkent orqali menga 116600 ga tushdi. O‘sha reys, o‘sha poyezd, o‘sha vagonlar, o‘sha yo‘l. Toshkent—Chimkent orasi 130 km xolos. Bilet narxi esa kamida 3 baravar arzon.
Negyayayaya?
Davronbek Tojialiyev, “Ziyouz.com” asoschisi
Izoh (0)