Охирги икки асрда Ер юзидаги инсонлар сони қанчалик шиддат билан ўсган бўлса, шаҳарларнинг кенгайиши ундан-да шиддат билан борди.
Аҳоли сони ўсиб бораверар экан, шаҳарлар учун йўловчиларни манзилга етказиш, шаҳар транспортини ривожлантириш муҳим бўлиб қолаверади. Шу туфайли ҳам XIX асрнинг иккинчи ярмида ер ости темир йўли орқали хизмат қиладиган метро қурилиши бошланди. Бугунги кунда дунёнинг аксарият йирик шаҳарларини метросиз тасаввур қилиб бўлмайди. Улар кунига миллионлаб, йилига эса миллиардлаб инсонларга хизмат кўрсатяпти.
Қуйида бекатлар сони бўйича дунёдаги энг йирик метролар рўйхатини келтирамиз. Ҳаммаси ҳайратланарли рақамлар.
Нью-Йорк метроси
Бекатлар сони: 472
Умумий узунлиги: 373 километр
Бир кунлик йўловчи ўтказиш кўрсаткичи: 5,7 миллион
Бир йиллик йўловчи ўтказиш кўрсаткичи: 1,750 миллиард, бу дунё метрополитенлари орасида 7-кўрсаткич ҳисобланади.
Нью-Йорк метроси дунёдаги Лондон метросидан кейин қурилган иккинчи энг қадимий метро ҳисобланади. Унинг қурилиши XIX асрнинг иккинчи ярмида бошланган ва илк поезд қатнови 1868 йилда бошланган. Нью-Йорк метросининг 20 дан ортиқ депоси бор.
Сеул метроси
Бекатлар сони: 429
Умумий узунлиги: 393 километр
Бир кунлик йўловчи ташиш кўрсаткичи: 3,4 миллион
Бир йиллик йўловчи ташиш кўрсаткичи: 2,5 миллиард
Сеул метроси 1974 йилда очилган. Орадан ўтган 50 йилда жадал ривожланди. У бугунги кунда йиллик йўловчи ташиш ҳажми бўйича дунёда 4-ўринда туради.
Шанхай метроси
Бекатлар сони: 393
Умумий узунлиги: 660 километр
Бир кунлик йўловчи ташиш кўрсаткичи: 8,4 миллион
Бир йиллик йўловчи ташиш кўрсаткичи: 3,2 миллиард
Шанхай метроси жуда ёш. 1993 йилда очилган. 2007 йилда рекорд даражада – 92 километрда 70 та бекатли йўл қурилган.
Шанхай метроси умумий йўловчилар ташиш бўйича Пекин ва Токио метроларидан кейин дунёда 3-ўринда туради.
Пекин метроси
Бекатлар сони: 370
Умумий узунлиги: 574 километр
Бир кунлик йўловчи ташиш кўрсаткичи: 6,2 миллион
Тиғиз пайтда: 10,2 миллион
Бир йиллик йўловчи ташиш кўрсаткичи: 3,6 миллиард
Пекин метроси 1969 йилда ишга туширилган бўлиб, Хитойдаги биринчи метро ҳисобланади.
Париж метроси
Бекатлар сони: 303
Умумий узунлиги: 220 километр
Бир кунлик йўловчи ташиш кўрсаткичи: 4,1 миллион
Бир йиллик йўловчи ташиш кўрсаткичи: 1,5 миллиард
Париж метроси умумий одам ташиш кўрсаткичи бўйича Европада Москва метросидан кейин 2-ўринда туради.
Париж метроси 1900 йилда ишга тушган.
Мадрид метроси
Бекатлар сони: 301
Умумий узунлиги: 293 километр
Йиллик йўловчи ташиш кўрсаткичи: 500 миллион
1919 йилда ишга туширилган.
Кучли ўнликка кирган метролар орасида йиллик йўловчи ташиш кўрсаткичи энг паст бўлган метро Мадрид метросидир.
Токио метроси
Бекатлар сони: 290
Умумий узунлиги: 310 километр
Бир кунлик йўловчи ташиш кўрсаткичи: 8,8 миллион
Бир йиллик йўловчи ташиш кўрсаткичи: 3,6 миллиард
Токио метросидаги Синзюку бекатининг кунлик йўловчи ўтказиш кўрсаткичи – 2 миллион йўловчи.
Лондон метроси
Бекатлар сони: 270
Умумий узунлиги: 402 километр
Бир кунлик йўловчи ташиш кўрсаткичи: 3,6 миллион
Бир йиллик йўловчи ташиш кўрсаткичи: 1,2 миллиард
Лондон метроси дунёда илк қурилган ва ишга туширилган метро ҳисобланади. У 1863 йилда иш бошлаган.
Лондон метросидан Иккинчи жаҳон уруши пайтида немислар Лондонни авиация воситасида бомбардимон қилганида бомбадан сақланиш бункери сифатида фойдаланган.
Москва метроси
Бекатлар сони: 220
Умумий узунлиги: 447 километр
Бир кунлик йўловчи ташиш кўрсаткичи: 6,7 миллион
Бир йиллик йўловчи ташиш кўрсаткичи: 2,2 миллиард
Москва метросини ХХ асрнинг бошларида қуриш режалаштирилган. Аммо Биринчи жаҳон уруши, ортидан Октябрь тўнтариши, сўнг фуқаролар уруши метро қурилишини ортга сурган. Москва метроси қурилиши ўтган асрнинг 20-йиллари охирида бошланиб, 1935 йилда ишга туширилган.
Мехико метроси
Бекатлар сони: 195
Умумий узунлиги: 227 километр
Бир кунлик йўловчи ташиш кўрсаткичи: 4,6 миллион
Бир йиллик йўловчи ташиш кўрсаткичи: 1,6 миллиард
Мехико метроси умумий йўловчи ташиш ва бекатлар сони бўйича Шимолий Америкада Нью-Йорк метросидан кейин иккинчи ўринда туради.
Ғайрат Йўлдош тайёрлади
Изоҳ (0)