Индонезиянинг марказий қисмида ўн минглаб одамлар қаттиқ ёмғир ёғиши оқибатида юзага келган сув тошқини ва кўчкилар сабабли ўз уйларни ташлаб чиқишга мажбур бўлди. Бу ҳақда «Вести.ru» хабар берди.
Қайд этилишича, табиий офат Шарқий Калимантан провинциясига нисбатан кўпроқ талофот олиб келган бўлиб, 16,3 мингдан ортиқ одам ўз уйларидан маҳрум бўлди.
Қўшни Сулавеси оролида сув тошқинларидан қарийб 10 минг киши жабрланди. Маҳаллий ҳукумат маълумотларига кўра, тошқин бир неча юз гектар қишлоқ хўжалиги ерларини йўқ қилган.
Ҳозирда табиий офат сабабли етказилган иқтисодий зарар миқдорини ҳисоблаш давом этмоқда.
Изоҳ (0)