Путиннинг дўсти, германиялик Маттиас Варниг яширин битим асосида «Ренессанс капитал» инвестбанкидан улуш олгани аниқланди. Бу ҳақда Reuters агентлиги олиб борган суриштирув давомида маълум бўлган. Журналистлар буни банк ходимлари ёзишмалари орқали аниқлаган.
«Эхо Москви»нинг ёзишича Маттиас Варниг «Ренессанс капитал»га 2007 йилдаёқ акционер бўлган. Reuters агентлиги таянаётган ёзишмалар Нидерландиядаги «ЮКОС»нинг собиқ топ-менежерлари томонидан уларнинг даъвосига бўйича ўтказилган суд жараёнида тақдим этилган.
Ҳужжатга кўра, Варнигга инвестбанкнинг фантом деб аталувчи 40 мингта акциялари берилган. Яъни, олдиндан келишилган формула асосида, компания улушининг бир қисмини сотиб олиш ҳуқуқи берилган. Маттиас Варниг талабига кўра, битмни махфийликда сақлашга ҳаракат қилинган.
Қайд этилишича, бу келишув ҳақидаги ёзишмалар «Промнефтестрой» компанияси «ЮКОС»нинг асосий хорижий активлари бенефициари бўлган Нидерландиянинг Yukos Finance BV’ни сотиш бўйича аукционда ғолиб бўлганидан бир неча ой ўтиб бошланган.
«Промнефтестрой» «Роснефть» таркибида ташкил этилган. Аммо «РБК» маълумотларига кўра, аукциондан аввал «Ренессанс Капитал» асосчилари унинг эгасига айланган. Reuters’нинг таъкидлашича, айнан Варниг орқали аукционга тайёргарлик кўришда «Роснефть» ёрдамини олишга эришилган.
Маттиас Варниг Германия «Штази» хавфсизлик агенти бўлган ва Владимир Путин билан камида 1991 йилдан бери таниш бўлган. У 2000 йилларда Россия компанияларида турли лавозимларда ишлаб келган ва ҳозирда «Шимолий оқим-2» газ қувури операторлиги раҳбари ва «Роснефть» мустақил директори ҳисобланади.
The Bell’нинг қайд этишича, Варниг таржимаи ҳолида янги маълумотларнинг ошкор бўлиши газ қувури бўйича санкцияларнинг кучайтирилишига сабаб бўлиши мумкин.
Изоҳ (0)