Молдова президенти яқин келажакда мамлакатдаги сиёсий инқирозни тўхтатишга эришилишига ва Конституциявий суд ўз позициясини ўзгартиришига умид билдирди. Бу ҳақда «Вести.ru» хабар бермоқда.
Аввалроқ Конституциявий суд социалистлар ва «Акум» блоки шакллантирган тузилма (парламент коалицияси) гўёки ноқонуний эканини маълум қилган эди. Аммо президент Игорь Додон Майя Санду бошчилигидаги коалицион ҳукумат халқаро даражада эътироф этилгани ва Демократик партия етакчиси Владимир Плахотнюкнинг ҳокимиятни эгаллашга уриниши жазосиз қолмаслигини эслатган.
Додоннинг айтишича, давлат органларидаги коалиция душманлари юридик жавобгарликка тортилиши мумкин. Қонунчиликда эса, эҳтимол, судьяларни лавозимга тайинлаш ва озод қилиш бўйича ўзгаришлар бўлади.
«Плахотюк таслим бўлишни хоҳламаяпти ва у охиригача ўз қарорида қатъий туради. Умид қиламанки, ҳокимиятни бундай тарзда эгаллаб олиш Молдова учун ёмон сценарий эканлигини ҳамма яхши тушунади. Умуман олганда, барча хорижий элчилар мен айтган гапларни ўйлаб кўрди. Сизга маълумки, бошқа давлатлар республикамизнинг янги, қонуний ҳукуматини тан олмоқда. Ва, фикримча, ҳам ички, ҳам ташқи томондан босим ўтказиш кучайиб боради», — деган Додон.
Мавзуга доир: Молдова пойтахтида намойишлар бошланди
Изоҳ (0)