Молдова пойтахтида намойишлар бошланди
Кишинёв кўчаларида нотинчлик. «Вести.ru»нинг ёзишича, одамлар ИИВ биноси олдида чодирлар ўрнатган, намойишлар бошланди.
Молдова парламенти депутатлари ҳеч қаерга кетиш ниятлари йўқлигини, олигарх Владимир Плахотнюк бошчилигидаги Демократик партия таъсири остидаги суд эса ҳокимиятни эгаллаб олишга уринаётганини таъкидламоқда.
Сиёсатчилар фуқароларни иғволарга учмасликка ва ҳокимиятни куч билан эгаллаб олмоқчи бўлаётган демократларга имкон қадар қарши туришга чақирган.
Молдованинг россияпараст Социалистик партияси ва европапараст ACUM блоки 8 июнь куни янги ҳукуматни шакллантирди, бироқ у мамлакат Конституциявий суди томонидан тан олинмади.
Парламент бунга жавобан суд қарорини ҳокимиятни демократлар қўлида сақлаб қолишга уриниш, деб атаган.
Конституциявий суд қарорига асосан Молдова президенти вазифасини бажарувчи этиб тайинланган Павел Филипп парламентни тарқатиб юбориш ҳақидаги фармонни имзолаб, 7 сентябрга муддатидан аввалги сайловни белгилаган.
Молдованинг амалдаги президенти Игорь Додон эса Конституциявий суднинг уни президентликдан четлатиш тўғрисидаги қарорини «ҳокимиятни эгаллаб олиш сари умидсиз қадам» деб атаган.
