Украиналик таниқли раққоса Германияда ўлдирилиб, жасади Рейн дарёсига ташлаб юборилди

Германияда эфирга узатилувчи Das Supertalent истеъдодлар шоуси иштирокчиси Алла Клиштанинг жасади Рейн дарёсидан топилди, деб хабар берди Daily Mail.

Раққоса апрель ойининг охирида йўқолиб қолган эди.

Полиция маълумотларига кўра, 33 ёшли акробат дарёга ташланишидан олдин ўлдирилган. Клиштани излаш ишлари у ишга келмай қўйганидан кейин бошланди. Алла Германиянинг Руст шаҳрида жойлашган «Европа парк» кўнгилочар боғида ишларди.

Ҳуқуқ-тартибот органлари ходимлари Алланинг собиқ турмуш ўртоғини қотилликда гумондор сифатида қамоққа олган. Бироқ расман айблов илгари сурилмаган.

Клишта ва унинг йигити учрашмай қўйган, бироқ бирга ишларди. Алла Украинада туғилган, бироқ узоқ йиллардан бери Германияда яшарди.