«ВКонтакте» ва Telegram асосчиси Павел Дуров ўзининг гастрономик парҳези ҳамда унинг иши ва ҳаётига таъсири ҳақида сўзлаб берди, дея хабар қилади TJournal.
Telegram асосчиси бир йил олдин тухум, фруктоза, сут маҳсулотлари ва глютен истеъмол қилишдан воз кечган бўлса, 2019 йилнинг майидан бошлаб денгиз маҳсулотларини истеъмол қилиш билан чекланмоқда. Яқинда эса ҳар қандай таомлардан воз кечиб, фақат сув ичиш билан яшашга ўтган. Унинг сўзларига кўра, бу Дуровга теранроқ фикрлашга ёрдам бермоқда.
«Ушбу ойда бироз радикалроқ йўлни танлайман — ҳеч қандай овқат истеъмол қилмайман. Олти кундан бери шундай ҳаёт кечирмоқдаман ва ҳозирча ўзимни яхши ҳис қиляпман. Умуман овқат емаслик фикрлашни тиниқлаштиргани сабаб продакт-менежмент соҳасида кўп нараларни амалга оширдим.
Рўза тутиш — овқат ҳазм қилиш тизимини тозлаш ва қайта ишга тушириш, шунингдек, иммун тизимини овқатлардан тозлашдан бошқа ишлар билан шуғулланишига имкон беради. Овчилик ва термачилик билан шуғулланган аждодларимиз маълум бир вақт овқатсиз яшаган, шу сабаб танамиз эволюцион жиҳатдан бунга тайёр бўлибгина қолмай, аслида йилига бир марта бўлсада буни амалга оширишимизни кутади. Мана нима учун кўплаб динларда рўза тутиш бор — бу тана ва руҳ учун фойдали.
Табиийки мен бунинг натижасида қанчадир мушак массаларимни йўқотаман, бироқ рўза тутиш давомида Telegram’даги миллионлаб фойдаланувчиларимиз учун янгидан-янги ажойиб ғояларни ўйлаб топишимга ишончим комил. Фойдаланувчиларимиз ҳаётини енгиллаштириш эса менинг биринчи даражали мақсадим», — дейди Павел Дуров.
Бундан ташқари Дуров Финляндия ва Швейцарияда совуқ сувда чўмилиш иш самарадорлигини оширишига ёрдам бераётганини таъкидлаб ўтган.
Изоҳ (0)