Андижон вилоятининг Андижон шаҳри ва Хўжаобод туманида «Намунали ҳудуд» тажрибасини яратиш доирасида «Тиғ» профилактик тадбири ўтказилмоқда. Бу ҳақда Андижон вилояти ИИБ матбуот хизмати маълум қилди.
Тадбир Андижон вилояти ИИБ Патруль-пост хизмати ва жамоат тартибини сақлаш бошқармаси ҳамда Андижон шаҳар Ички ишлар органлари фаолиятини мувофиқлаштириш маркази (IIО ФММ) Ҳуқуқбузарликлар профилактикаси бўлими таянч пунктлари профилактика инспекторлари томонидан ўтказилмоқда.
Унда шаҳар ҳудудида тинчлик ва осойишталикни таъминлаш, жиноятчилик ва ҳуқуқбузарликлар барвақт олдини олиш мақсадида фуқаролардан турли ҳил тиғли буюмлар олиниб, тан жароҳати билан боғлиқ жиноятлар олди олинмоқда.
Ушбу тадбир доирасида 1—2 июнь кунлари биргина Андижон шаҳрида профилактика инспекторлари томонидан 25 та тиғли предметлар олинган.
Тиғ кўтариб юрган фуқаролар билан профилактик суҳбатлар ўтказилиб, шу куннинг ўзида уларнинг ота-оналари ва кенг жамоатчилик иштирокида муҳокама қилинган.
Изоҳ (0)