Ўзбекистон ва Бирлашган Араб Амирликлари ўртасидаги ўзаро ҳамкорлик ва дўстона алоқалар тобора мустаҳкамланиб боряпти. Айниқса, мамлакат Президенти Шавкат Мирзиёевнинг жорий йил 24 март куни Бирлашган Араб Амирликларига расмий ташрифи кўп қиррали икки томонлама ҳамкорликни янада кенгайтириш, савдо-иқтисодий, инвестициявий, инновацион, банк-молия, маданий-гуманитар ва бошқа соҳалардаги алоқаларни мустаҳкамлашда муҳим аҳамият касб этди, деб Соғлиқни сақлаш вазирлиги «Дарё»га маълум қилди.
Тиббиёт соҳасида ҳам ўзаро алоқалар изчиллик билан ривожланмоқда. Жумладан, Соғлиқни сақлаш вазири Алишер Шодмонов ва Дубай Амирлиги ҳукуматининг Ўзбекистондаги ваколатхонаси раҳбари Султон Халифа Султон Белобайда Алсуаиди томонидан Ўзбекистоннинг тиббиёт муассасаларини техник қўллаб-қувватлаш доирасида 1 миллион АҚШ долларига тенг техник ёрдам кўрсатиш бўйича ўзаро келишув Меморандуми имзоланди.
Ушбу келишув республикада тиббий хизмат сифатини янада ошириш ва аҳолини замонавий юқори технологик тиббий ёрдамга бўлган эҳтиёжини қондириш йўлида муҳим аҳамият касб этади.
Изоҳ (0)