«Дарё» ўтиб бораётган ҳафтанинг қизғин баҳсларга сабаб бўлган твитларни диққатингизга ҳавола этади.
«АҚШ ҳарбий-денгиз кучлари ўз флотида бир дона ҳам музёрар кемасига эга эмас, аммо Россияда улар миқдори бир қанча», — Жим Шутто, CNN телеканали мухбири.
«Россия статистика агентлиги маълумотларига кўра, ўтган йил кузида россияликларнинг 48 фоизида зарурий буюмларни харид қилишга этарлича маблағ бўлган бўлса, 15 фоизида озиқ-овқат сотиб олиш учун маблағ бўлган», — Лусиан Ким, журналист.
«Мазкур харита Европа қитъаси аҳолиснинг 2017–2050 йиллар даврида кўпайиш миқдорини кўрсатади», — Саймон Кюстенмахер, олмон географи.
«‘Толибон’ ташкилоти вакиллари афғон сиёсатчилари ва оқсоқоллари билан Москвада ўтадиган икки кунлик музокараларда қатнашиш учун етиб келди», — «Озодлик» радиоси.
«Сўз эркинлиги фавқулодда бебаҳо. Фикр-мулоҳазаларга, танқид ва бошқа дунёқарашга ‘Ҳа’ дейиш муҳим. Нафратга, таъқибларга, ҳақоратларга эса йўл ‘Йўқ’. Норвегияни энг яхши мамлакатга айлантирамиз», — Эрна Сульберг, Норвегия бош вазири.
«Яна бир қизиқарли якун. Британияда Евросайловда Brexit ҳаракатига қарши тарафлар Brexit тарафдорларига нисбатан кўпроқ овоз олган», — Карл Билт, Швеция собиқ бош вазири ва ташқи ишлар вазири.
«АҚШ Украинани НАТОдан ташқари иттифоқчи деб эълон қилишни мақсад қилган. Бундай мақомга ҳозиргача Афғонистон, Аргентина, Австралия, Баҳрайн, Миср, Исроил, Япония, Иордания, Кувайт, Марокаш, Янги Зеландия, Покистон, Филиппин, Жанубий Корея, Тайвань, Тунис, Таиланд сазовор бўлган», — Дипломатик стратегияларни тадқиқ қилиш маркази.
«Агарда рус банклари — Сбербанк ва Саноат-алоқа банки Венесуэладаги Мадуро режимига хизмат кўрсатаётган бўлса, АҚШ мазкур банклар билан пул ўтказмалари қилиш борасида тақиқ қўйиши керак», — Марко Рубио, сенатор.
«Бундан 30 йил муқаддам Хитойдаги Тяньаньмэнь майдонида аҳолининг тинчлик намойишлари шафқатсизлик билан бостирилган эди. Бугун биз қурбонларни хотирлар эканмиз, Хитойдан яна бир бор инсон ҳуқуқларига ҳурматда бўлиш ва жавобгарликни олишни талаб этамиз», — Маргот Вальстрём, Швеция ташқи ишлар вазири.
«Бугун Буюк Британия ва бутун дунёда Ийд ал-Фитр — Қурбон ҳайити байрамини нишонлаётган барча мусулмонларга энг яхши тилакларимни билдириб қоламан», — Тереза Мэй, Буюк Британия бош вазири.
«Туркия савдо вазири Рухсор Пекжон май ойи учун ташқи савдо борасидаги маълумотларни очиқлади. Туркиядан Россияга бўлган экспорт ҳажми ўтган йилги даврга нисбатан 13,9 фоизга ошган», — Россияни тадқиқ қилиш институти.
«Қайд этиш жоиз, ҳозиргина АҚШ президенти мамлакатнинг телекоммуникация соҳасидаги энг йирик компанияларидан бирига ахборотни президент хоҳлаганидай ёритиши учун иқтиссодий бойкот эълон қилди», — Питер Бейкер, New York Times мухбири.
Жаҳонгир Эргашев тайёрлади.
Изоҳ (0)