Jesus Strikes Back: Judgment Day — бу Исо пайғамбар, Дональд Трамп, Адолф Гитлер, Владимир Путин, Жейра Болсонаро, Пепе лақабли қурбақа ва Крейстчерч масжидида 51 кишини ўлдирган Брентон Таррант образлари мавжуд компьютер ўйини кўплаб фойдаланувчилар ғазабини келтирди, деб хабар беради Forum Daily.
Ўйиннинг мақсади — душманларни, хусусан, тенглик тарафдорларини, феминистларни, бир жинслиларни ёқловчиларни, муҳожирлар, демократлар, Антиф ҳаракати аъзолари ҳамда абортларни амалга оширувчи шифокорларни яксон қилиш.
Ўйиннинг турли даражаларида жанг масжидда, тунги клубда, янгиликлар студиясида ва АҚШнинг Мексика билан чегарасида бўлиб ўтади. Айрим жанг саҳналарида Барак Обама, Берни Сандерс, Ненси Пелоси ва Александр Окасио-Корец каби персонажлар ҳам бор.
Ўйинда муҳожирлар «чегарани эркин кесиб ўтиб, шаҳардан шаҳарга кўчиб, ўғирлик, зўравонлик қиладиган ва йўлида учраган барчани ўлдирадиган» қилиб тасвирланган.
Кўплаб фойдаланувчилар норозилигига сабаб бўлган мазкур ўйинни 14,88 доллар эвазига сотиб олиш мумкин.
Ўйин 2 Genderz Productions ҳамда First Amendment Studios & Facts и Logic inc. ҳамкорлигида яратилган. Ўйин сайтида «бу ерда ҳеч қандай сиёсий баёнот йўқ, бу шунчаки сатира» дейилган.
Изоҳ (0)