Халқ таълими вазирлигида ШАГ (Қадам) Компьютер академияси (Украина) асосчиси Дмитрий Корчевский бошчилигидаги делегация билан учрашув бўлиб ўтди. Бу ҳақда вазирлик матбуот хизмати хабар берди.
ШАГ Компьютер академияси — йирик халқаро ўқув муассасаси бўлиб, компьютер мутахассислиги бўйича таълим беради. Ҳозирда Академиянинг 55 та филиали 18 та мамлакатда фаолият юритмоқда. Жумладан, академия Ўзбекистонда ҳам болалар ва катталар учун курслар ташкил этган.
Учрашувда Дмитрий Корчевский ШАГ Компьютер академияси курсларининг афзалликлари ҳақида маълумот берган. Унинг сўзларига кўра, курс тингловчилари таълим олиш жараёнида ўзларига иш топади.
Шунингдек, мактаб ўқувчиларининг ахборот технологияларини ўргатишда ҳамкорлик қилиш муҳокама этилган. Жумладан, Ўзбекистон вилоятларида мактаб инфратузилмасидан фойдаланган ҳолда ўқувчилар учун ахборот технологиялари курсларини ташкил этиш масалалари кўриб чиқилган.
Изоҳ (0)