Жиноят ишлари бўйича Жиззах шаҳар судида безорилик жиноятини содир этган шахсларга нисбатан суд ҳукми ўқилди, деб хабар берди «Дарё» манбаси.
Жиззах шаҳрида яшовчи ака-ука Ч.Давидов ва Э.Давидовлар (исми-шарифи) ўзгартирилган, Жиззах шаҳар, Улуғбек маҳалласидаги «Кўк бозор» ҳудудида жойлашган «Э.Бекмуродов» кўчасидан ўтган автомашиналардан ноқонуний равишда пул олиб келади.
«Кўк бозор» ҳудудида тадбиркорлик билан шуғулланувчи Я.Қўчқоровни ўзига тегишли бўлган «Damas» русумли автомашинасида «Э.Бекмуродов» кўчасидан чиқиб кетаётган вақтида Ч.Давидов ундан автомашинаси учун пул беришни сўрайди, Я.Қўчқоров унга нима сабабдан пул бериши кераклигини, пул бермаслигини айтганида, ўзаро жанжаллашиб қолиб, Ч.Давидов Я.Қўчқоровни автомашинадан тушириб, воқеа жойига етиб келган Ч.Давидовнинг укаси Э.Давидов билан Я.Қўчқоровнинг дуч келган жойига уриб, тепиб Ч.Давидов қўлидаги пичоқни унга тираб, агар пул бермаса пичоқни қорнига тиқиб олишни айтиб қўрқитади, шунда Я.Қўчқоров Ч.Давидовни итариб юбориши натижаси Ч.Давидовнинг қўлидаги пичоқ Я.Қўчқоровнинг қўлларини тилиб кетади, орада Я.Қўчқоровнинг отаси Й.Қўчқоров уларни ажратмоқчи бўлган вақтида Ч.Давидов қўлидаги пичоқ билан Й.Қўчқоровни ўнг қўли билак соҳасини тилиб юборади, натижада Й.Қўчқоровга тан жароҳати етказади.
Воқеа жойига етиб келган аҳоли уларни ажратиб, Я.Қўчқоров олган тан жароҳати олгани сабабли воқеа жойига етиб келган тез тиббий ёрдам автомашинасида биринчи ёрдам олиш учун касалхона юборилади.
Ака-ука Ч.Давидовнинг ва Э.Давидовларнинг хатти-ҳаракати юзасидан ҳуқуқни муҳофаза қилувчи органлар томонидан жиноят иши қўзғатилади.
Жиноят ишлари бўйича Жиззах шаҳар суди томонидан Ч.Давидовнинг ва Э.Давидовларга оид жиноят иши қўриб чиқилди.
Судда сўралган судланувчилар, жарбрлануви ва гувоҳларнинг тушунтиришлари ва ишда тўпланган далилий ашёлар билан ака-ука Ч.Давидовнинг ва Э.Давидовлар «Кўк бозор» ёнида жойлашган «Э.Бекмуродов» кўчасида кўчани таъмирлаганлигини важ қилиб, ўзбошимчалик билан автомашина эгаларидан пул олиб келганлиги, жамиятда юриш-туриш қоидаларини қасддан менсимасдан, безорилик қилганлиги ўз тасдиғини топди.
Жиноят ишлари бўйича Жиззах шаҳар судининг ҳукми билан ака-ука Ч.Давидовнинг ва Э.Давидовлар Ўзбекистон Республикаси Жиноят кодекси 277-моддаси (безорилик) 3-қисмининг «г» бандида кўрсатилган жиноятни содир қилганликда айбли деб топилиб, Ч.Давидовга 3 йил 6 ой , Э.Давидовга 3 йил муддатга озодликни чеклаш жазоси тайинланди.
Ч.Давидовнинг ўзбошимчалик билан Жиззах шаҳар «Э.Бекмуродов» кўчасига кирган автомашина эгаларидан ўзбошимчалик билан пул олганлик ҳолати маъмурий ҳуқуқбузарлик тариқасида кўриш учун алоҳида ажратилиб, маъмурий ҳуқуқбузарликка доир иш қўзғатиш учун Жиззах шаҳар прокурорига юборилди.
Изоҳ (0)