26 май куни Япониянинг энг шимолий Хоккайдо оролида май охири учун хос бўлмаган жазирама қайд этилди. Сарома қишлоғида ҳарорат Цельсий бўйича 39,5 даражагача кўтарилди, деб ёзади «ТАСС».
Хоккайдонинг жанубий қисмидаги тоғ ҳудудида жойлашган Обихиро шаҳрида ҳаво ҳарорати 127 йиллик рекордни янгилаган. Тушга яқин у ерда ҳарорат 38,8 даражагача қизиб кетган.
Синоптиклар таъкидлашича, ҳаттоки ёзга хос бўлмаган жазирама Хоккайдода иссиқ шамол ҳамда булутлар халал бермаган жуда ёрқин қуёш нурлари таъсирида ҳосил бўлган.
Иссиқ ҳаво Япониянинг бошқа ҳудудларида ҳам кузатилди. Хусусан, Токиода кундузи ҳарорат 32 даражадан ошган бўлса, қўшни Сайтама префектурасида 35,8 даражагача кўтарилди.
Изоҳ (0)