Англия терма жамоаси собиқ сардори Дэвид Бекҳем автомашина бошқараётган вақтида телефондан фойдалангани учун ҳайдовчилик гувоҳномасидан маҳрум этилди, деб хабар берди Goal.
Суд қарорига кўра, собиқ футболчи 6 ой мобайнида автомашина бошқара олмайди ва у 750 фунт жарима тўлаши керак. Бекҳем Лондонда ўзининг Bentley русумли машинасини бошқараётган вақтида телефонда гаплашган. Бу ҳақда полицияга 2018 йил 21 ноябрь санасида маълумот келиб тушган. Футболчининг ўзи ҳам айбига иқрор бўлди.
Маълумот учун, Бекҳем ўзининг футболчилик фаолиятида «Манчестер Юнайтед», «Престон», «Реал», «Лос-Анжелес Гэлакси», «Милан» ва ПСЖ клубларида тўп сурган.
Айни дамда англиялик Американинг «Интер Майами» клуби эгаси ҳисобланади. Клуб MLS’даги иштирокини 2020 йилда бошлайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)