Тошкент шаҳрида 6 май куни «Ўзстандарт» агентлиги томонидан ўтказилган матбуот анжуманида ички бозорларда сифатсиз ва истеъмолга яроқсиз маҳсулотлар кўп учраётгани таъкидланди. Бу ҳақда «Дарё» мухбири хабар берди.
Агентликнинг Жамоатчилик ва ОАВ билан алоқалар бўлими бошлиғи Абдурауф Расуловнинг айтишича, айрим «тадбиркорлар» томонидан сифатсиз маҳсулотларни четдан олиб кириб, уларни ички истеъмол бозорларида сотиш ҳолатлари учраб турибди.
«Агентлик ходимлари ваколатли органлари билан келишган ҳолда ‘хавф таҳлилиъни баҳолаш назорат тадбирлари олиб борилмоқда. Чунки бозорларимиз сифатсиз маҳсулотлари билан тўлиб-тошиб ётибди. Ўрганишлар натижасига кўра, кўпроқ сут ва сут маҳсулотлари, кўк нўхат каби озиқ-овқат маҳсулотлари меъёрий ҳужжатлар талабларига номувофиқлиги аниқланган», — деди Абдурауф Расулов
Таҳлиллар натижасига кўра, 2018 йилда сертификатлаштириш идоралари томонидан 82 миллиард сўмлик маҳсулотлар амалдаги меъёрий ҳужжатлар талабларига номувофиқлиги аниқланган. Шундан 5 миллиард сўмлик қишлоқ хўжалиги ва озиқ-овқат маҳсулотлари Қозоғистон, Грузия, Покистон ва Россиядан импорт қилинган.
Изоҳ (0)