Исроилнинг Ғазо секторига зарбалари оқибатида охирги икки кун давомида 18 нафар фаластинлик ҳалок бўлди. Бу ҳақда маҳаллий соғлиқни сақлаш вазирлиги матбуот хизмати Ашраф ал-Кидра маълум қилди, дея хабар беради «РИА Новости».
«18 нафар фаластинлик, жумладан, икки нафар аёл ва икки нафар ҳали туғилмаган чақалоқ ҳалок бўлди. Яна 110 киши жароҳатланди», — дея таъкидлади матбуот котиби.
Сутка давомида Исроил сектор томонидан учирилган 600 та ракетага жавобан Ғазодаги салкам 300 та нишонга ҳужум қилди. Исроилга йўлланган ракеталар 3 кишининг умрига зомин бўлди.