1 май, чоршанба куни футбол бўйича Европа Чемпионлар Лигаси ярим финалининг дастлабки баҳсида Эрнесто Вальверде бошлиқ «Барселона» клуби Юрген Клопп қўл остидаги «Ливерпуль» жамоаси билан кураш олиб борди.
Учрашувнинг 26-дақиқасида каталонияликлар ҳужумчиси Луис Суарес ўзининг собиқ жамоаси дарвозасига тўп киритган бўлса, «Барселона» етакчиси Лионель Месси 75 ва 82-дақиқаларда гол уриб, дублга эришди (3:0).
Шу тариқа «Барселона» ўз уйида кечган баҳсда «Ливерпуль» дарвозасига жавобсиз 3 та гол уриб, ғалаба қозонди.
Эслатиб ўтамиз, жамоалар ўртасидаги ўзаро жавоб ўйини 8 май куни «Ливерпуль» майдонида бўлиб ўтади.
ЕЧЛ
1/2 финал баҳси
1 май, чоршанба
«Барселона»—«Ливерпуль» 3:0
Голлар: 1:0 — 26 Суарес, 2:0 — 75 Месси, 3:0 — 82 Месси«Барселона»: тер Стеген, Пике, Алба, Сержи Роберто (Аленя, 90+3), Лангле, Ракитич, Бускетс, Видаль, Коутиньо (Семеду, 60), Месси, Суарес (Дембеле, 90+3)
«Ливерпуль»: Алиссон, Матип, Робертсон, Гомес, ван Дейк, Кейта (Ҳендерсон, 24), Фабиньо, Вейналдум (Фирмино, 79), Милнер (Ориги, 85), Мане, Салоҳ
Огоҳлантиришлар: Лангле (39), Фабиньо (81), Суарес (81), Алба (86)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)