1-may, chorshanba kuni futbol bo‘yicha Yevropa Chempionlar Ligasi yarim finalining dastlabki bahsida Ernesto Valverde boshliq “Barselona” klubi Yurgen Klopp qo‘l ostidagi “Liverpul” jamoasi bilan kurash olib bordi.
Uchrashuvning 26-daqiqasida kataloniyaliklar hujumchisi Luis Suares o‘zining sobiq jamoasi darvozasiga to‘p kiritgan bo‘lsa, “Barselona” yetakchisi Lionel Messi 75 va 82-daqiqalarda gol urib, dublga erishdi (3:0).
Shu tariqa “Barselona” o‘z uyida kechgan bahsda “Liverpul” darvozasiga javobsiz 3 ta gol urib, g‘alaba qozondi.
Eslatib o‘tamiz, jamoalar o‘rtasidagi o‘zaro javob o‘yini 8-may kuni “Liverpul” maydonida bo‘lib o‘tadi.
YChL
1/2 final bahsi
1-may, chorshanba
“Barselona”—“Liverpul” 3:0
Gollar: 1:0 — 26 Suares, 2:0 — 75 Messi, 3:0 — 82 Messi“Barselona”: ter Stegen, Pike, Alba, Serji Roberto (Alenya, 90+3), Langle, Rakitich, Buskets, Vidal, Koutinyo (Semedu, 60), Messi, Suares (Dembele, 90+3)
“Liverpul”: Alisson, Matip, Robertson, Gomes, van Deyk, Keyta (Henderson, 24), Fabinyo, Veynaldum (Firmino, 79), Milner (Origi, 85), Mane, Saloh
Ogohlantirishlar: Langle (39), Fabinyo (81), Suares (81), Alba (86)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)