Сурхондарёда ҳисори зотли қўй бирданига 5 та қўзили бўлди (фото)

Сурхондарё вилоятининг Жарқўрғон туманидаги «Нурли Диёр» маҳалласида ҳисори зотли қўй бирданига 5 та қўзили бўлди. Бу ҳақда «Дарё»га журналист Муҳиддин Жабборов маълум қилди.

Шахсий хўжалигида чорвачилик билан шуғулланадиган Ҳанифа Хўжакелдиева бундан боши кўкка етган бўлса ҳам шу пайтгача бунақасини кўрмаганини билдирди.

Маҳалла ветеринари ҳам тажрибаси давомида илк бора бундай ҳодисага дуч келаётганини айтди. Ҳозирда мутахассис қўзичоқларнинг аҳволидан мунтазам хабар олиб турибди.

Воҳа аҳли орасида эгизак қўзичоқлар билан боғлиқ одатлар сақланиб келмоқда. Ҳанифа ҳожи ая ҳам урфга кўра қўзичоқлардан бирини чўпонга ҳадя этади.