Божхона институти бакалавриатига ўқишга қабул қилиш тартиби тўғрисидаги низом тасдиқланди

Ҳукуматнинг 29 апрелдаги қарори билан Давлат божхона қўмитасининг Божхона институти бакалавриатига ўқишга қабул қилиш тартиби тўғрисидаги низом тасдиқланди. Бу ҳақда Адлия вазирлигининг «Ҳуқуқий ахборот» Telegram-каналида хабар берилди.

Низомга мувофиқ, институт бакалавриатига ўқишга қабул қилиш «Божхона иши» ва «Юриспруденция» йўналишлари бўйича қуйидаги босқичларда ташкил этилади:

• дастлабки танлов;
• махсус касбий танлов;
• тест синовлари.

Аризалар 1 январдан 1 апрелгача қабул қилинади.

Дастлабки танлов қуйидаги тадбирларни ўз ичига олади:

• ҳужжатларни тўплаш ва ўрганиш;
• якка тартибда суҳбатлашиш;
• индивидуал-психологик ўрганиш;
• умумжисмоний тайёргарлик даражасини баҳолаш;
• тиббий кўрикдан ўтказиш.

Maxсус касбий танлов 25 июнгача қуйидагилар доирасида ўтказилади:

• психофизиологик ўрганиш;
• тиббий кўрик;
• ёзма иш (диктант);
• ахборот-коммуникация технологиялари бўйича баҳолаш;
• якка тартибдаги якуний суҳбат.

Тест синовлари 5 июлгача ўтказилади.