Массачусетсда ўсмир синфдошини сўйиб ташлади ва кейин бошини танасидан жудо қилиб, қўлларини узиб ташлади, деб хабар берди Forum Daily.
Жиноят 2016 йилда содир этилган, ҳолат бўйича суд иши энди ўтказилмоқда.
Тергов маълумотларига кўра, буларнинг барчаси рашк туфайли содир бўлган.
Мэтью Боргес 2016 йилда ўрта мактаб ошхонасида севган қизининг Ли Мануэль Вилориа-Паулино билан ўтирганини кўриб ғазабланди.
«Айбланувчи бешафқат кўринса-да, у руҳий томондан кучсиз эди. У рашк туфайли севган қизига бақира бошлаган», — дейди прокурор Жей Губитос.
15 ёшда бўлган Боргес севган қизига қуйидаги мазмунда SMS-хабар жўнатган: «Мен ҳар куни кимнидир ўлдириш ҳақида ўйлайман ва табассум қиламан... бу мен ҳар куни ўйлайдиган нарса».
Ўша йилнинг ноябрь ойида Борхес Вилория-Паулинони ўлдиришидан бир кун аввал рашк туфайли ажрашган қизига яна бир SMS-хабар жўнатган: «Кейинги сафар мени кўрганингда кўзларимга қара, улар охирги марта шундай, ўлик бўлиши».
Жабрланувчининг қўшниси уйига ўрнатилган кузатув камералари ўсмир марҳум билан дарё томонга кетганини тасвирга олган. Борхеснинг айтишича, улар марҳум билан марихуанна чеккан ва у кейин уйига кетган.
Бироқ кузатув камераларида бироздаб кейин тўрт киши Вилория-Паулинонининг уйига қайтиб келиб, қўлларида нарсалар билан қайтаётгани акс этган. Маълум бўлишича, қотил ўсмирнинг танишлари жабрланувчининг уйини ўмарган.
Изоҳ (0)