Украина президенти этиб сайланган Владимир Зеленскийнинг рафиқаси Елена Зеленская Қримдаги пентхаусни бозор нархидан деярли икки баробар арзонга сотиб олган. Бу ҳақда Зеленский томонидан тақдим этилган даромад декларацияси ва Украина кўчмас мулк реестри маълумотларига таяниб Meduza хабар берди.
Маълум бўлишича, 2013 йилда Елена Зеленская Ялтадаги «Император» турар жой комплексидан уч хонали квартирани деярли 164 минг долларга сотиб олган. Бунда ҳар бир квадрат метрига 1263 доллардан тўғри келади.
Шу билан бирга, Қримдаги кўчмас мулклар ҳақидаги очиқ ахборотлар ва аноним агентлик маълумотларига кўра, ўша пайтда «Император» турар жой комплексидаги квартираларнинг квадрат метри одатда 2500 дан 5000 долларгача сотилган.
Квартирани сотган шахс украиналик тадбиркор Александр Буряк бўлган. Бироқ у нима учун квартирани арзонлаштирилган нархда сотганини аниқлашнинг имкони бўлмаган. Буряк ушбу олди-сотди юзасидан изоҳ бермади, Владимир Зеленскийнинг матбуот хизмати эса уй унинг рафиқаси томонидан қонуний асосда ва бозор нархида сотиб олинганини маълум қилди.
Зеленскийнинг квартираси 2018 йилнинг апрель ойида 790 минг доллар (бир квадрат метри 5195 доллар)га сотувга қўйилган. Бу квартиранинг 2013 йили сотиб олинган вақтдаги нархидан қарийб беш баробар ортиқ.
Изоҳ (0)