Тошкентда Жанубий Кореяга ишга юбориш билан боғлиқ фирибгарлик ҳолатлари қайд этилди. Бу ҳақда ИИББ матбуот хизмати хабар бермоқда.
Чилонзор тумани прокуратурасидан 29 апрель куни келиб тушган хабарга кўра, 2017 йил сентябрида самарқандлик Луиза Х. ҳамюрти, 36 ёшли Ғофур Ғ.ни Жанубий Кореяга ишга жўнатишга ваъда қилади. Бунинг учун 7 минг доллар олиб, эҳтиёжи учун ишлатиб юборади.
Юнусобод туман ИИБга шу куни келган хабарда билдирилишича, 2018 йил октябрида Тошкент вилоятилик Дилмурод К. 28 яшар Акбар Х.нинг ишончига кириб, Жанубий Кореяга юбориш учун 1750 доллар олади. Бироқ ваъдасини бажармайди ва олган пулларини сарфлаб юборади.
Мазкур ҳолатлар юзасидан Жиноят кодексининг 168-моддаси («Фирибгарлик») билан жиноят ишлари қўзғатилди.
Изоҳ (0)