1 майнинг эътиборга молик янгиликлари — «Дарё» дайжестида.
Сурхондарё вилоятига ҳоким тасдиқланди.
Ўзбекистон Республикаси Президенти Шавкат Мирзиёев Сурхондарё вилояти ҳокимининг иқтисодиёт ва тадбиркорлик масалалари бўйича биринчи ўринбосари вазифасида ишлаб келаётган Тўра Боболов номзодини вилоят ҳокими лавозимига тавсия қилди.
***
Ўзбекистонда йил охирига бориб илк пуллик автомобиль йўли қурилиши бошланади.
Тошкент ва Самарқанд шаҳарларини боғловчи ушбу йўл 2021 йил охирида фойдаланишга топширилади.
Ҳужжатга кўра, Тошкент — Самарқанд пуллик автомобиль йўлини қуриш лойиҳаси Туркия компаниялари консорциуми томонидан амалга оширилади.
***
Андижонда Nexia’га ўрнатилган носоз газ баллони портлади. Уч киши воқеа жойида вафот этди.
Тезкор суриштирув ишлари давомида ҳодиса автомашинага ўрнатилган метан газ баллони носозлиги оқибатида содир бўлгани аниқланган. Натижада ҳайдовчи ва йўловчи сифатида кетаётган унинг маҳалладошлари 1973 йилда туғилган Б.Ҳ. ҳамда 1975 йилда туғилган Ж.Б.лар оғир жароҳат олиб, воқеа жойида вафот этган.
***
Қашқадарёда чақирувга маст ҳолда борган шифокор ишдан бўшатилди.
28 апрель куни 9 ёшли беморга ёрдам кўрсатиш мақсадида Қиёт қишлоғидан соат 22:30 да чақирилган тез ёрдам хизмати машинаси роса бир соат деганда етиб келади. Бунинг устига шифокор оёқда тура олмайдиган даражада маст ҳолатда бўлади.
***
Сурхондарёдаги Тўполанг ГЭС ҳудудида Шароф Рашидовнинг келгуси авлодларга мактуби сақланаётгани маълум бўлди.
Бу мактуб Шароф Рашидовнинг «Тўполанг» гидроузелини қуриш вақтидаги ташрифи давомида қолдирилган.
Ёдгорлик устига Шароф Рашидовнинг ёшларга қолдирган хати 2180 йили очилиши лозимлиги ёзилган.
Изоҳ (0)