«Дарё» Twitter’да ўтган ҳафтада машҳур шахслар ва микроблог фаоллари томонидан пост қилинган энг муҳим твитлар билан ўртоқлашади.
«2014 йилдан буён Украина қашшоқликда яшовчи фуқароларни 4 марта камайтирган бир пайтда Россияда қашошоқликда кун кечирувчилар кўпайди, деб хабар қилади The Bell нашри», — Эммануэль Гринспан, Le Temps нашрининг (Швейцария) Москвадаги мухбири.
«9 июнда Қозоғистонда ўтадиган навбатдан ташқари президентлик сайловида тўққиз номзод қатнашмоқда. Улар орасида ҳозирда вақтинчалик президент сифатида фаолият олиб бораётган Қосим-Жўмарт Тўқаев (ғолиб бўлиши эҳтимоли юқори) ва мамлакат тарихида илк марта аёл номзод Дания Еспаева — банкир ва халқ депутати бор», — Бермет Талант, @KyivPost.
«Тадқиқотчиларнинг сўзларига кўра, 2050 йилга бориб мегаполиснинг катта қисми сув остида қолиши мумкин. Шимолий Жакарта 10 йил мобайнида 2,5 метр сув остида қолди ва ҳар йили 1–15 сантиметрга сув остида қолмоқда». — Бен Юдах, журналист.
«SIRPI (Стокгольмдаги тинчлик муаммоларини тадқиқ қилувчи институт) маълумотларига кўра, 2018 йилда бутун дунёда ҳарбий харажатларга сарфланаётган маблағ миқдори 1,8 триллион долларни ташкил этган. АҚШ рўйхатни бошқармоқда, Хитой — иккинчи ўринда. Туркия бўлса рўйхатнинг 15-қаторида. Туркиянинг ҳарбий харажатлари 24 фоизга ошган». — Ҳалима Киразли, Yeni Şafak нашри журналисти.
«Жума куни президент Трамп Япония бош вазири ҳурматли Синзо Абэ ва унинг рафиқаси Аки Абэларни Оқ Уйда кутиб олди. Бу бир неч ўн йилликлардан бери тинчлик ва тараққиётнинг гарови бўлиб келаётган иттифоқчиликнинг юксак даражасидир». — Оқ Уй расмий саҳифаси ахбороти.
«Америка халқи миллиардлаб даромад топаётган, аммо солиқ федерал даромад солиғига ҳеч нарса тўламаётган Amazon, General Motors, Chevron ва Delta каби улкан корпорасиялардан чарчади ва кўнгли айнияпти. Биргаликда ҳаракат қилиб, нуқсонлари бор солиқ кодекси ва сиёсий тизимни ўзгартирамиз». — Берни Сандерс, сенатор ва президентликка номзод.
«Ҳиндистондаги Кочин халқаро аэропорти дунёдаги биринчи батамом Қуёш энергиясига ишлаётган аэропортдир. Бу яна бир бор яшил бизнес — энг яхши бизнес эканини исботлади. Кочин аэропорти БМТнинг атроф муҳитни сақлаш борасидаги энг олий мукофотига сазовор бўлди», — БМТ расмий саҳифаси.
Жаҳонгир Эргашев тайёрлади.
Изоҳ (0)