2019 йил 25 апрелда «102»га қариндоши бўлган фуқаро Р.А.дан мурожаат тушган. У ўз мурожаатида тиббий ходим қариндошига тан жароҳати етказганини маълум қилган эди. Ушбу ҳолат юзасидан Бош прокуратура маълумот берди.
Мазкур мурожаат Миробод тумани IIО ФМБ 3-сонли ИИБ томонидан 25 апрель куни қайд этилиб, ижро учун ИИБ профилактика инспектори А.Р.Турдибоевга топширилган.
А.Р.Турдибоев томонидан терговга қадар текширув ҳаракатлари олиб борилган. Р.А. бўлиб ўтган ҳолат юзасидан ҳеч кимга ҳеч қандай даъвоси йўқлигини билдирган. Шу сабабли Жиноят Кодексининг 83-моддаси 2-бандига асосан жиноят иши қўзғатишни рад қилиш ҳақида қарор қабул қилинган.
Ушбу қарор 1 май куни Миробод туман прокуратураси томонидан бекор қилиниб, қўшимча текширув ҳаракатлари олиб борилмоқда.
Изоҳ (0)