Украинанинг сайланган президенти Владимир Зеленский Россия етакчиси Владимир Путиннинг барча украиналикларга фуқаролик беришга тайёрлиги ҳақидаги баёноти юзасидан Facebook‘даги саҳифасида рус ва украин тилларида мурожаат қилди.
«Россия расмийларига РФ паспортлари билан Украина фуқароларини ўзига оғдириб олишга вақт сарфламасликларини маслаҳат берган бўлардим. Биз ўзимиз Владимир Путинга мамлакатни талаб келган ва энди Украинада ўзини аниқ жуда ноқулай сезадиган фуқароларимиз рўйхатини яқин орада тақдим этамиз. Россия ўзи уларни қаерда — Ростов ёки Магаданда бундай профессионаллар кўпроқ керак бўлишини ҳал эта қолсин», — дея киноя қилган Зеленский.
Зеленскийга кўра, Россия фуқаролиги «тинч намойиш учун ҳибсга олиниш, эркин ва рақобатли сайловлар бўлмаслиги, табиий ҳуқуқ ва эркинликлар ҳақида умуман унутиш» ҳуқуқини беради.
У Россия билан музокараларга тайёрлиги, бироқ «таҳдид, ҳарбий ва иқтисодий босим тилида» гаплашмаслигини билдирган.
Изоҳ (0)