Владимир Путин Москва нафақат Донецк ва Луганск аҳолиси, балки барча украиналикларга соддалаштирилган тартибда Россия фуқаролигини бериш ҳақида ўйлаётганини билдирди. Бу ҳақда «Интерфакс» хабар бермоқда.
«Биз умуман олганда барча украиналикларга соддалаштирилган тарзда фуқаролигимизни бериш ҳақида бош қотиряпмиз», —деди у Пекиндаги матбуот анжуманида.
Путин Донбассда яшовчиларга Россия паспортларини тақдим этиш фикри дабдурустдан пайдо бўлмаганини билдирди.
Шунингдек, бу нарса Россия бюджетига оғир юк бўлиши ҳақидаги гапларни «ваҳима» деб атади. Унинг айтишича, харажатлар 100 миллиард рублга бориши мумкин. Бироқ бу рақам йил давомида эмас, келгусидаги бир неча йил мобайнида сарфланадиган маблағдан иборат.
Изоҳ (0)