Онлайн аукционда олтин қазиб олиш мумкин бўлган дастлабки ерларга эгалик ҳуқуқи сотилди, деб хабар берди Spot. Бошланғич нарх 7,5 миллон сўм деб белгиланган бўлиб, ҳар 10 дақиқада ошиб боради.
22 апрель куни Самарқанд вилоятида шундай ер участкаларининг учтаси савдога қўйилган бўлиб, улардан бирини 92,2 миллион сўмга сотишга эришилган.
Навоий вилоятида 10 та шундай ер участкалари савдога қўйилган бўлиб, улларнинг барчаси сотилган. Бу ерда нархлар 7,8 миллион сўмдан 22,1 миллион сўмгача бўлган.
2018 йилнинг ноябрь ойида президент қимматбаҳо металларни олтин изловчилар усулида қазиб олиш фаолиятини амалга ошириш учун шарт-шароитлар яратиш чора-тадбирлари тўғрисида қарор имзолаган эди. 2019 йилнинг март ойидан бошлаб бу тадбиркорликнинг бир тури деб ҳисобланди.Эндиликда тегишли тартибда лиценсия олиб, бу фаолият тури билан шуғулланиш мумкин. Бунинг учун юридик шахс сифатида рўйхатдан ўтиш ҳам талаб этилмайди, хусусий тадбиркор бўлишнинг ўзи етарли.Лицензия онлайн савдо якунларига кўра уч йил муддатга берилади.
Аукционда иштирок этиш учун E-ijro Auksion сайтида ариза бериш ва ер участкасининг баҳоланган қийматининг 5 фоизи миқдорида бадал пулини тўлаш лозим.
Изоҳ (0)