Фарғона вилоят прокуратураси ташаббуси билан ҳамкор ташкилотлар иштирокида сайёр оммавий қабул ўтказилди. Бу ҳақда «Дарё»га Перзидент Халқ қабулхонаси матбуот хизмати маълум қилди.
Ушбу тадбир доирасида мингдан ортиқ фуқаролар иштирокида йиғилиш ўтказилиб, фуқароларнинг ҳуқуқий онги ва маданиятни оширишга қаратилган маърузалар қилинди.
Бўш иш ўринлари меҳнат ярмаркаси ташкил этилиб, 50 дан ортиқ ташкилотлар 560 га яқин бўш иш ўринлари билан иштирок этди ҳамда 86 нафарга яқин қарздорлар ишга жойлаштирилиб, алимент ундируви қарздорларнинг ойлик иш ҳақига қаратилиши таъминланган.
Шу билан бирга, 164 та ижро ҳужжатлари бўйича 256 миллион сўмга яқин алимент пуллари ундирилишига, бу билан 186 нафар вояга етмаганларнинг ҳуқуқи ҳимоя қилинишига эришилди ва 23 нафар ёш оилалар яраштирилган.
Тадбирда 18 та сайёр суд мажлиси ташкил этилиб, алимент тўловлардан мунтазам бўйин товлаб келган 14 нафар қарздорга нисбатан маъмурий қамоқ жазоси тайинланган.
Бундан ташқари, тадбир давомида 17 та ижро ҳужжатлари юзасидан 13 нафар тадбиркорлар манфаатига 383 миллион сўмдан ортиқ зарар пуллари ундирилиб, тадбиркорларнинг келгуси фаолиятларини юритишларида амалий ёрдам кўрсатилган.
Изоҳ (0)