21 апрель, якшанба куни футбол бўйича Ўзбекистон Суперлигаси 5-туридан ўрин олган сўнгги беллашув бўлиб ўтди.
Унда Жиззахнинг «Сўғдиёна» жамоаси ўз уйида Бекободнинг «Металлург»ини қабул қилиб, 2:1 ҳисобида ғалаба қозонди. Мезбонлар сафида Шоҳруз Норхонов ҳамда Элёр Орифов ўз ҳисобига биттадан гол ёздириб қўйган бўлса, меҳмонларнинг ягона жавоб голи Баҳодир Пардаев ҳисобига ёзилди.
Шу тариқа яқиндагина Сергей Лушчан ўрнига жамоа бош мураббийига айланган Улуғбек Бақоевнинг «Сўғдиёна»даги дебюти омадли чиқди. Жиззахликлар мазкур ғалабадан сўнг очколари сонини 6 очкога етказиб, 8-ўринга кўтарилиб олди. «Металлург» эса 7 очко билан 5-ўринга жойлашди.
Суперлига
5-тур баҳслари
21 апрель, якшанба
«Сўғдиёна» — «Металлург» 2:1
Голлар: 1:0 — 25 Шоҳруз Норхонов, 2:0 — 64 Элёр Орифов, 2:1 — 76 Баҳодир Пардаев.«Сўғдиёна»: Ширинбой Абдуллаев, Сардор Қулматов, Искандар Шойқулов, Элёр Орифов, Кахи Maxарадзе, Нуриддин Ҳасанов (Иззат Абдуллаев, 46), Санжар Рашидов (Жамшид Болтабоев, 78), Ойбек Нурматов (Саҳоб Рашидов, 56), Шоҳруз Норхонов, Никола Милинкович, Шаҳбоз Жўрабеков.
«Металлург»: Зафар Сафоев, Аббос Отахонов, Баҳром Абдураҳимов, Зоҳид Абдуллаев (Баҳодир Пардаев, 67), Музаффар Музаффаров (Исломбек Исоқжонов, 56), Шавкат Муллажонов, Камолиддин Тожиев, Станислав Андреев, Андрей Шипилов, Акбар Исматуллаев, Сергей Тумасян.
Огоҳлантиришлар: Сергей Тумасян 35, Сардор Қулматов 36, Андрей Шипилов 68
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)