Маурисио Почеттино қўл остидаги «Тоттенҳэм» жамоаси Англия чемпионатининг 35-турида сафарда «Манчестер Сити»га 0:1 ҳисобида имкониятни бой бериб қўйди.
Бу «шпорлар»нинг Англия чемпионатининг сафарда қабул қилиб олган кетма-кет бешинчи мағлубияти бўлди. Жамоа аввалги турларда «Ливерпуль» (1:2), «Саутҳэмптон» (1:2), «Челси» (0:2) ҳамда «Бёрнли» (1:2) клубларига мағлуб бўлганди. Лондон клуби АПЛдаги иштироки давомида бундай ҳолатга атиги 2 марта дуч келганди, деб ёзади Gracenote Live.
Жумладан, жамоа 2000 йил августидан декабрига қадар Жорж Грем қўл остида сафардаги кетма-кет еттита баҳсда мағлуб бўлган. 2004 йил мартидан майига қадар эса Дэвид Плит бошқарувида кетма-кет олтита сафар ўйинида ютқазганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)