18 апрель, пайшанба куни футбол бўйича Ўзбекистон Суперлигасининг 5-турида мусобақа жадвалида етакчилик қилаётган Шота Арвеладзе бошлиқ «Пахтакор» ўз майдонида Самарқанднинг «Динамо» жамоасини синовдан ўтказди.
Учрашувнинг 75-дақиқасида «шерлар» аъзоси Жавоҳир Сиддиқов рақиб дарвозасига гол урган бўлса, орадан 6 дақиқа ўтиб ярим ҳимоячи Жалолиддин Машарипов ҳисобни 2:0 кўринишига олиб келди. Шу тариқа тошкентликлар ўз уйида кечган баҳсда «Динамо» дарвозасига жавобсиз 2 та гол уриб, ғалаба қозонди (2:0).
Ушбу ўйиндан сўнг «Пахтакор» очколари сонини 13 тага етказиб олди ва мусобақа жадвалидаги етакчиликни мустаҳкамлади. «Динамо» эса 7 очко тўплаган ҳолда 5-ўринда бормоқда.
Суперлига
5-тур баҳси
18 апрель, пайшанба
«Пахтакор»—«Динамо» 2:0
Голлар: 1:0 — 75 Жавоҳир Сиддиқов, 2:0 — 81 Жалолиддин Машарипов«Пахтакор»: Санжар Қувватов, Фарруҳ Сайфиев, Марко Симич, Егор Кримец, Хожиакбар Алижонов, Садриддин Абдуллаев (Одилбек Ҳамробеков, 45), Жавоҳир Сиддиқов, Жалолиддин Машарипов, Драган Черан (Игорь Сергеев, 86), Достонбек Ҳамдамов (Жасур Яхшибоев, 70), Марат Бикмаев
«Динамо»: Шоҳрухжон Эшбўтаев, Миркомил Лоқаев, Ҳакимхон Аламхонов, Акмал Холмуродов, Жасур Азимов, Қадамбой Нурматов (Амиржон Сафаров, 62), Бобур Қосимов, Аббос Шодмонов, Дамир Темиров (Сирож Ҳамроев, 67), Сардорбек Эминов, Ихтиёр Тошпўлатов (Низомжон Норов, 78)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)