17 апрель, чоршанба куни футбол бўйича Европа Чемпионлар Лигаси чорак финалининг дастлабки ўйинида «Ливерпуль» ҳужумчиси Роберто Фирмино «Порту» дарвозасини ишғол қилди (1:4, илк учрашув — 0:2).
Бразилиялик мерсисайдликлар учун Европа Чемпионлар Лигасида ўзининг 14-голини урди (саралаш босқичидан ташқари). Бу борада у Садио Мане, Муҳаммад Салоҳ ҳамда «Ливерпуль» собиқ ҳужумчиси Иан Рашга етиб олди.
Таъкидлаш жоиз, Салоҳ «Ливерпуль»нинг иккинчи голига, Мане эса биринчи голига муаллифлик қилди. Фирмино эса Касильясни учинчи бўлиб ранжитди.
Бу кўрсаткичда «Ливерпуль» собиқ ярим ҳимоячиси Стивен Жеррард етакчилик қилмоқда. У Еврокубокларда 21 та гол уришга муваффақ бўлган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)