Бош прокуратура Сурхондарё вилоятида юз берган катта миқдордаги талон-тарожлик ҳақида хабар берди.
«Департаментнинг Сурхондарё вилоят бошқармаси томонидан ўтказилган терговга қадар текширувда Термиз тумани архитектура ва қурилиш касб-ҳунар коллежи бош ҳисобчиси Ш.Х. коллежнинг 5 нафар собиқ ишчи-ходими номига 2017—2018 йиллар ва 2019 йил 2 ойи давомида жами 221,8 миллион сўм иш ҳақи ёзиб, уларнинг номидаги пластик карточкаларга ойма-ой тушириб олиб, ўз эҳтиёжлари учун ишлатиб, бюджет маблағларини талон-торож қилганлиги аниқланган», — дейилади хабарда.
Текширув давомида бюджетга етказилган зарардан 100,3 миллион сўм ундирилиши таъминланган.
Мазкур ҳолат юзасидан Ш.Х.га нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.